پاکستان کی معروف ماڈل و اداکارہ وینا ملک نے حال ہی میں اپنے نئے جیون ساتھی کی خوبیوں کے بارے میں بتایا۔
وینا ملک نے انکشاف کیا کہ شہریار چوہدری ان کے نئے جیون ساتھی ہیں، مداحوں کو شادی کے دن مزید معلومات ملیں گی۔
انہوں نے بتایا کہ میں نے بزنس مین اسد بشیر خٹک سے چھوٹی عمر میں دبئی میں شادی کی لیکن یہ ایک غلطی تھی جسے میں دہرانا نہیں چاہتی۔
اپنے نئے ساتھی شہریار چوہدری کے بارے میں بات کرتے ہوئے وینا ملک نے کہا کہ ان کی طرح ان کا تعلق بھی اسلام آباد سے ہے۔ انہوں نے مزید کہا، “ہماری چند ملاقاتیں ہوئیں، اور میں نے شہریار کو ایک شاندار شخص پایا۔”
وینا نے مزید بتایا کہ شہریار چوہدری گاڑیوں اور جائیدادوں کے کاروبار میں ہیں اور ایک معزز خاندان سے تعلق رکھتے ہیں۔ ’’وہ نہ صرف پڑھے لکھے ہیں بلکہ ایک حافظ قرآن بھی ہیں اور اس خوبی نے مجھے ہاں کہنے پر مجبور کیا۔‘‘
خیال رہے کہ وینا ملک کے اپنے سابق شوہر بزنس مین اسد بشیر خٹک سے دو بچے ہیں۔
